زوج صديقتي أصبح زوجي

بقلم ام رغد
زوج صديقتي أصبح زوجي(١)

سلام عليكم حاحكي ليكم قصتي من تلاته سنين كان عندي صديقه اسمها ريان كنا روح بالروح طوالي مع بعض نطلع سوا ونمرق سوا وحتي بحث التخرج عملناهو مع بعض ما كنا بنتفارق ابدا انا دخلت في اهلها وبعرفهم كلهم لي جدهم الفي امريكا مع اني ماشفتو لكن بعرفو بتحكي لي عنهم كتير علاقتي بيها كانت قويه شديد بعد اتخرجنا بي سنه سمعت انو خطبوها تخيلو ماقالت لي مع انو طوالي كنا سوا عرفت الخبر من الفيس لقيتها غيرت حالتها لي مخطوب طبعا اتخلعت واتصلت عليها قلت ليها شنو الحركات

الجديده دي دايره تغشي منو انك اتخطبتي ردت علي عادي قالت لي لالا الكلام دا حقيقه ما بغش زول طبعا اتصدمت وما اتوقعت خالص حركه زي دي منها طيب ليه ما كلمتني وليه ماعزمتني اساعدها واقيف معاها من الزعله ما قلت ليها حاجه بس قلت ليها الف مبروك وربنا يتمو ليك علي خير ..جريت لي امي بكيت من حرقتي ريان عملت فيني كدا ليه يعني انا مش صحبتها روح بالروح ملاحظين لي روح بالروح دي وبقيت اربط في الاحداث اتاريها مكمكمه ولابسه الجونتات قالت عندهم عرس بت اهلم ماشه ليهو انا كنت مصدقاها وبجري معاها السوق ونفتش لي تطقيمه الفستان اتخيلو بس بجاحتها تسوقني وتجرجرني معاها في السوق ولا عزمتني ولا كلمتني يعني التقول حسحرها ولا حا احسدها زعلت شديد امي قالت لي ماتزعلي يمكن ماقاصده وبقت تشوف ليها اعذار اصلا انا ما عذرتها وبكيت بكيتي لانها وجعتني من جوه قلبي لاني اعتبرتها اخت لي .. بعد اسبوع من خطوبتها ضربت لي

تلفون وين يابت مختفيه كدا قلتا ليها قاعده كنت برد بي برود قامت قالت لي انا جاياك ما تطلعي جاتني وسلمت علي امي وامي باركت ليها وزغرتت ليها من الباب هي تضحك وتتبسم كدا ومبسوطه غايتو جنس غايتو سلمت علي ليه ياكلبه ما جيتي تباركي لي قلت طبعا غاظتني قلت ليها تعالي هنا ابارك ليك ليه وانتي اصلا ما كلمتيني واتجاري معاك في الاسواق وانتي ماوريتيني انك بتجهزي لي خطوبتك قامت بقت تالف ليها قصص وهميه كدا ..انا ما صدقتها وتشيل وتعتزر قلتا ليها برضو ما مصدقاك قامت بقت تغير لي في الموضوع وتحكي لي عن حسام (زوجي حاليا) ..قالت لي حسام والله مستعجل عشان شغلو في الامارات ما بدوهو اجازه .. (يعني كمان مغترب) ومامتو وابوهو نازلين اصلا كانو اجازه السودان لانو دي اجازتهم السنويه(اوووو يعني عريس مغترب واهلو كمان شغالين هناك يعني مرتاحين😏😏)😞