زوجه-خائنه

بقلمي فردوس عبد اللطيف
الجزء 5 والأخير
وليد.. رجعتم شغلي تعبان باوعت لكيت السبلت ماكو صحت بيهه زهور وين السبلت ارتبكت وجاوبتني اني شعلي شمدريني وينه
شنو شمدريني لعد منو بالبيت
زهور. اني كنت طالعه يم جيرانه التهيت بالسوالف ومن رجعت لكيته ماكو
ها قصدج انسرق محضره الجواب قبل السوال
وليد إنسان طيب ميتهمهه الا يشوف بعينه دليل
بدت زهور تروح للسحاره حتى تسكت وليد وتسوي ضعيف الشخصيه امامهه وأم جبار باعتلهه خرزه ب 1000$ الف دولار تخلي كلمن يشوفهه يحبهه وليد يوم يسكت على سوالفهه ويوم تعلك عركه بدت زهور تسرق من المحلات وتبيع عالجيران اي شي يغفل عنهه صاحب المحل تسرقه ومن يسالهه زوجهه دكوله دفعت حسابه وانت ما نتبهت خلته دايخ تعبان
كنت طالع للشغل مستلم بيت وصلت للبيت ولكيت ناسي المفتاح لازم ارجع للبيت اجيب مفتاح العالم
وصلت لبيتي لكيت زهور طالعه بالسوق رحت للغرفه دورت عالمفتاح ماكو دورت بالكنتور لكيت كيس مسلفن وبي ضبه كانهه فلوس مربوط بقطعه قماش وتحت الملابس أخذني الفضول اشوف شنو بالكيس فتحته لكيت بي مبلغ كبير لو اشتغل خمس سنوات ما اكدر اجمع هالمبلغ والمصرف الي انطيهيا مايوصل للمبلغ هذا المبلغ كان 5000$ خمسه آلاف دولار تقريبا 6ملايين بقيت بالبيت ساكت ما اكدر أتحرك جلست على القنفه دخلت زهور تفاجئت بوجوده ها هاي شرجعك مو طلعت
وليد…زهور منين هذه الفلوس بالكنتور
يا فلوس ها شتقصد
المبلغ المربوط بالقماش بالكنتور
ها يووو هاي فلوس سلفه مالت مدرسات مجمعينهه يمي
وليد ما اصدك اعتقد جاي تكذب علي …بدأ وليد يشك بزهور
لكن ميكدر يعوف شغله
مر كم يوم وليد استلم بيت يبني بي بس بعيد بمنطقه بعيده يظطر يبات بشغله بلغهه
وليد زهور استلمت بيت ابني بي خارج بغداد وراح اظطر ابات هناك أبقى 3 ايّام واجي
خوش بس عوفلنه مصرف بقلمي فردوس عبد اللطيف
بنفس الْيَوْمَ تخربطت صحه وليد بسبب الإجهاد ساعه 9بالليل وارتفع ضغطه
صاح عالعمال ابو حسن اني تعبان راح ارجع للبيت دير بالك عالشغل
تدلل ابو شهد روح ارتاح
وصل للبيت ساعه 11 بالليل دخل للبيت ما لكاها ويرن على تلفونهه مغلق
وين صارت كلما يرن مغلق
بعد نصف ساعه رجعت للبيت تفاجئت … هاي شجابك
انت وين كنتي وليش تلفونج مغلق
على كيفك وياي رحت لبيت جيرانه اجيب شاحنه للتلفون وبقيت اسولف وياهم ونسيت الوقت متاخر
وليد انت كذابه امشي نروح عالجيران خلي أتأكد
زهور شنو ماتصدكني انت مريض وشكوكي
وليد صرت أشك بتصرفات زوجتي وخصوصا بعد مانبهني جيراني تلميحات عن تصرفات زوجتي وعلاقاتهه لكن اني ما اصدك ولا اريد اظلمهه لكن لراحه فكري صرت اقفل باب البيت عليهه واني اتسوق ومن يصير دوام اني اوصلهه بايدي مع هذا ماكنت مرتاح لتصرفاتهه وبقيت بين الشك واليقين
بقت حياتي جحيم ويه زهور لكن بعض الأحيان تنفرض علينه أمور تخلينه متوقفين نصف الطريق لانكدر نتراجع وصعب الاستمرار وانت تشك بالشخص المقابل
اجه العيد وكتلهه حاروح اعايد اهلي ماتجين وياي تعايديهم
لا اني ما اروح لأهلك متنكين علي عبالك ماخذه ابنهم الفلته
اني طالع
راح وليد لاهله مكسور الخاطر يريد يرتاح من الشك الي بداخله بقى يدعو رب العالمين يريحه ويعيش طبيعي مثل باقي الناس وره ما طلع من اهله كان مخنوك راح للقهوة الي بالسوك وكاعد يشرب ناركيله واذا زهور تمر مقابيل القهوة
ولوحدهه بدون بنتها قفز وليد ومشى خلف زهور بدون ماتشعر بقى ينتظرها ماطلعت بقت تقريبا ساعه والباب مغلق
دك عالباب محد فتحله بقى محتار طفر من السياج ودخل من باب المطبخ لكا ما مقفل بس مطبوق دخل على أطراف أصابعه ولكاها بحضن شخص غريب وتتمضحك جرها سحل للبيت من شعرها ووصلو لبيتهم وبقى يضربهه والصياح مالتهم سمعو جيرانهم وليد يكسر بالأغراض ويضرب زهور بعد ساعه هدأ الصوت صارت سكته
ويه اذان المغرب
طلعت زهور بقلمي فردوس عبد اللطيف بالشارع لحكوني زوجي مات وتبجي وتلطم من دخلو الناس شافو مضروب طلقتين وحده براسه والثانيه بصدره
الناس بلغو الشرطه وزهور تبجي وتصرخ دكول كنت بالحمام أسبح وسمعت صوت طلقه وبين مالبست ملابسي وطلعت لكيته منتحر
اجتي الشرطه الجنائيه وبالتحقيق والكشف عن الجثه ومعاينه مكان الحادث
زهور غبيه ما حسبتهه صح
اولا بعد تشريح الجثه تبين وليد متوفي قبل 5 ساعات
والي ينتحر ميكدر يضرب طلقتين باماكن مختلفه
اخذو زهور للتحقيق وأخذوا بصماتهه وتم اخلاء سبيلهه
بعد مانمت إجراءات الطب العدلي والتحليل وظهور نتائج التحليل بعد أسبوعين ظهر ان المجني عليه تم تخديره بماده منومه وبصمات المجني عليه ما موجودة على السلاح
بعد فتره أهل وليد شافو زهور حره طليقه وابنهم مدفون تحت التراب قدمو شكوى ضدهه واتهموهه بقتل ابنهم
تم اعتقال زهور بالبدايه نكرت الجريمه
لكن بعد التعذيب اعترفت بجريمتهه وهي الي قتلته
والسبب حتى لا يفضحها امام اهلهه وإخوتها يقتلوهه اذا عرفو بخيانتها لزوجهه وادعت إنّو سبب خيانتها بسبب العوز والحاجه وقله المصرف وكانت مو بوعيها من قتلته
تمت احالتهه الى المحكمه
صدر قرار المحكمه بالسجن المؤبد
اهلهه تبرؤ منهه وتخلو عنهه بنتهه سلمت الى ملجا الأيتام
وبقت الطفلة بالملجأ مع وجود الأهل
ام وليد توفت بعد فاتحه وليد من اثر الصدمة
أرجو ان استمتعتو بهذه القصه وأحب اكول لكل زوجه خائنه لابد وان تنكشف خيانتك لان الله يمهل ولا يهمل
انتهت القصه كانت حقيقيه واشكر الأخت التي ارسلتها لي وهي قريبه للعائلة
ترقبوني بقصه جديده الكاتبه فردوس عبد اللطيف