#زوجة-خائنه الجزء 4

بقلمي فردوس عبد اللطيف
بدء خليل يقنع ابن اخته وليد بزهور
خليل ..شوف وليد ترى زهور بنيه زينه وخريجه ومثقفه وبس تزوجون راح تعينك وراتبهه يفيد عالاقل تصرف على نفسها
وليد ..اني وليد مواليد 1980 خريج اعداديه فرع الأدبي ماسنحت لي فرصه اكمل دراستي اشتغلت بالبدايه عامل بناء ويه جيرانه مقاول واتقنت الشغله وانا الان خلفه بناء باليوم اخذ 50الف كنت احب بنت عمتي حبيتها حب كبير هي اول وآخر حب بحياتي لكن ابوها مازوجلياها لانهه كملت كليه وخطبها تاجر وغني طبعا يوافقون عليه والان هي سعيده مع زوجها وعدهه طفلين ونستني ونست حبنا التجأت للشرب وصرت لازم اشرب ليليه صرت انسان تائه ضايع كلما اشرب اتذكر حبيبتي وابجي اهلي ملو وامي كبرت كالو لازم تتزوج امرأة تخدمك وتشوف حياتك يصير عندك اطفال
اجه خالي خليل وكلمني على اخت زوجته وكال بس يردون الستر وموظفه اقنعني وبما اني العايش الميت المشاعر قررت اروح اشوفهه واتزوجهه مهما كانت
قررو موعد الزياره لأجل وليد يشوف زهور
ام زهور رباب كالت اخاف هذا هم يشوفهه ويفلت خلي اروح لام جبار تسويلنه عمل وراحت لام جبار وسوتلهه عمل يعمي عيونه عن قباحه وشكل زهور وفعلا اقتنع بيهه ولو أهله ما مقتنعين بس كالو بلكي يتزوج ويستقر نريد نشوف اطفاله
من بعد ما وافقو بالبدايه كالو مانريد شي ولزكولهم
من اجو عالاتفاق تفاجئو بطلباتهم
اولا 2مليون حاظرهه 10 مليون الغايب حتى ميكدر يطلق
وافق مرغما وليد لان السحر مشتغل عليه
تمت الخطوبه وجهزو مستلزمات الزواج واستعجلو بالزواج بدون ما يعرف شي عن اخلاقهه طبعهه بسرعه تم الزواج
ومن ليله العرس حملت زهور
بعد الزواج وحمل زهور بدت تظهر الحقيقه وبدت المشاكل
أهله قريبين على ابنهم ويشتاقوله من يجون تتعمد زهور ماتحترمه أمامهم وتتشكى مايطلعني ولا يجيبلي متت من الفكر مليت اريد غساله اوتماتك اريد سبالت اريد وأريد
أهله وأقاربه ميكدرون يجون لبيته من وره اخلاق زوجته حتى الضيف الي يجيهه من أهله ماتحترمه تتعمد كلاص ماء ماتقدملهم وغير لسانهه الطويل
بدء وليد يتداين حتى يوفرلهه طلباتهه لان راتبه على كد العيشه البسيطه لكن هي تريد اكثر من البسيطه
بعد 8شهور كان حملهه خطر والطفل وضعه صعب لازم تنام بالمستشفى ويحتاج مصاريف اظطر يتداين مبلغ كبير حتى يصرفه عليها وعلى ولادتهه ولدت الطفل بعد8 أشهر وكانت بنت سماها شهد
وليد … من ارتبطت بزهور ماشفت يوم راحه كلت يمكن شكلها مو حلو يجوز أخلاقها حلوه وتخليني انسى همومي وتعبئ لكن الحقيقه مشاكلي زادت واشتغل من الصبح لليل وما الحك زوجتي مو قنوعه شما اجيبلهه ما تشبع طماعه تريد طلعه ونسه لازم البيت بي كل وسائل الراحه واني منين اجيبلهه خلتني اتداين حتى اوفرلهه طلباتهه بعد شسوي حتى اهلي أقاربي ميجون لبيتي من ورآها لانهه ماتحترمني أمامهم تتعمد تقلل من قيمتي وتصغرني علاقتي بالجيران قطعته من ورآها يوميه مشاكل وعرايك
زهور .. بعد ما تزوجت وليد شفت ما يكدر يوفرلي كلشي تعبت من الفكر مليت ارزل بي وميفيد عرايكنه كل يوم صوتنه طالع يم الجوارين مايوفرلي متطلباتي واني اريد اشبع من الدنيا حتى مشاعره أحسه مو وياي مع بنت عمته بعده يحبهه ومانساها احس زواجنا غير متكافئ اني خريجه وهو اعداديه وحتى بالفراش بخيل مايشبع رغباتي بخيل حتى بالصرف عالبيت مليت منه لو باقيه مامتزوجه احسن اشلون أغيره وأغير طبعه
مرت 3 سنوات على زواجهم الفاشل كظوهه مشاكل وعرايك وليد كان ينسى همومه بالشرب وهى ملتهيه بوظيفتهه
فد يوم كان طالع وياها للسوق وبنتهم بالعربانه شاف زهور سرقت كم قوطي جبن وخلته بظهر العربانه عباله دفعت حسابهم بعدين ارتبك وطلع لما رجع تعارك وياها ليش هيجي تسوين ..الظاهر الأخت تسرق من المحلات وتجيبهه تبيعهه على نسوان المنطقة زين انت موظفه وعندج راتب وخريجه شخليتي للمتخلفه بس الظاهر تربيه ماكو وتعاركو عركه كبيره لكن ميفيد وياها
للحكايه بقيه. فردوس عبد اللطيف. F
ترقبو الجزء الأخير بي احداث شيقه ومفاجئه