زوجة خائنة الجزء الثالث

زوجة-خائنة.
بقلمي فردوس عبد اللطيف
الجزء 3

اخيراً باشرت بالوظيفه وصرت مدرسه حبيت عملي خصوصا من تنجز عمل وتاخذ اجرتك راس الشهر بديت اغير بمظهري ولبسي ارتب نفسي اشتري احلى الملابس راجعت مركز تقويم الاسنان ورتبولي جسر تغليف لاسناني تغير شكلي تماما راجعت طبيب جلديه وانطاني علاج تقشير للبشره بديت اعتني بمظهري الخارجي والانسان من يكون مرتب المظهر يتقبله المجتمع
رباب تحاول بكل الطرق تزوج بنتها زهور بدو يسموها العانس
زهور كنت اشعر بالنقص لما اشوف زميلاتي يحبون وينحبون واني محد كلمني اصلا بس نوعا ما من غيرت ستايلي بديت اشعر اكو من يباوع علي
كنت أتمنى اسمع كلمه الله شكد حلوه حتى لو اعرفها مجامله او كذب
زوج بنت رباب اسمه خليل يشتغل موظف بالاسكان عنده ميانه مع ام زوجته رباب
رباب …خليل فدوه الموضوع بيني وبينك شكد وصيت صديقاتي وأم جبار يشوفون عريس لزهور ماكو كلمن يشوفهه ينهزم واني اخاف اموت وخطيه تبقى عانس بلكي تشوفلهه موظف وياكم فدوه والك الحلاوه انطيك ورقتين مني هديه
خليل … شسالفه خاله زهور اختي واتمنالهه الخير راح اسأل
خليل مع زملائه بدء البحث عن عريس لزهور اول شي وصى الفراش بالدائره لان عنده اخبار الموظفين
خليل ..حبيبي ابو علاوي اريد منك خدمه
كول أستاذ خليل
أريدك تشوفلي منو بالدائره يريد يتزوج وظروفه صعبه عندي أقاربي بنيه موظفه وخوش بنيه وكلت اشوفلهه فد موظف
أستاذ خليل قبل كم يوم سمعت من مهندس ماجد مطلق وعمره 40 سنه وعنده أطفال 2 ويريد بنيه حلال يتزوجهه رتربي اطفاله
خوش شكرا ابو علاوي اني احجي وياه
ابو علي وبعد عندك بالذاتية جواد
أشبي
مطلق زوجته وسمعت يريدله زوجه
خوش معلومات عندك ميخالف اني أشوفهم
خليل ..السلام عليكم اشلونك أستاذ ماجد
هلا بالغالي اشلونك حبيبي
الحمد لله بخير احجيلي على وظعك اشلون مدبر العيشه بعد وفاة زوجتك ليش ماتتزوج وعندي ألك خوش عروسه
يالى بركاتك خلاوي
أخت زوجتي خريجة ومتعينه مدرسه
اكو مثل يكول اذا وازاك الدهر اخذلك معلمه هم عدهه راتب زين هم ابنك تعلمه يعني تستفاد من كل النواحي
هههه يالى توكل بالله شوكت أجي اشوفهه
الخميس نتواعد وتجي لبيت اهلهه
ماشي نتخابر
يوم الخميس…مهندس ماجد ينتظر يشوف العروس وراح للحلاق وحلق ورتب نفسه وراح ويه خليل يشوف زهور
اول ما دخل بيتهم انقبض كلبه
كعد بالصاله ينتظر بفارغ الصبر تجي الست زهور
زهور خايفه ولو اني اعرف نفسي مو حلوه بس رتبت نفسي ورحت للصالون وحاولت أكون بمظهر لائق
دخلت زهور جابت العصير وخجلانه ومدنكه راسهه
رفع عينه ماجد اخترع…معقوله من بعد حبيبتي المرحومه مها اصبح بوجه هذه استغفر الله لو أبقى بدون زواج ولا اتزوج هالزهور جماله مسميهه زهور
ياربي اشلون أفلت وين الباب خلي انهزم لايجلبون بي
ماجد… اترخص.
خليل ها وين بعدك ماشفت شي
مستعجل الأطفال وحدهم
اى الله يسهل
طلع خليل للباب .ها مجودي شفت البنيه
ماجد ..اي خليل اشكرك وماقصرت بصراحه مو هذا النوع الي يعجبني ما اريد اظلمها وياي
خليل براحتك اعذرنه
مع السلامه
فلت ماجد وهو يسوق بسيارته وخربان من الضحك والموقف الي تعرضله وكانه كابوس وصحه منه
وبالنسبه لموظف الذاتية نفس الوضع هم جابه ورفضهه لكن امهه ما مأيسه
بقت تُلِّح على خليل وهو يحاول لحد ما سمع من اخته …ابنهه يريد يتزوج
كلهه عندي اله زوجه تفيده موظفه وعدهه علاقات وتعينه الكم وكلشي ماتريد
وافقت أخت خليل
راح لام زهور وكلهه ابن اختي خريج إعدادية ويشرب ويشتغل خلفه بناء وحالته المادية ظعيفه بس عنده بيت ملك وحده يم أهله شدكولين خالتي
طبعا رباب ماصدكت اكو واحد يقبل ببنتهه ميخالف خلي يشرب وخلي يكعدهه عالحصيره أحسن من ما تبقى على كلبي
للحكايه بقيه.