زوجةخائنة الجزء الثاني

زوجة-خائنه
بقلمي فردوس عبد اللطيف
الجزء. 2

بعد ماتخرجت زهور من كليه التربيه
اني زهور فتحت عيني عالدنيا ماشفت أبوي حسب ماخبروني والدي توفى بنفس السنه الي نولدت بيهه يعني عشت محرومة من حنان الأب واخواني واخواتي كلمن محتار بنفسه اكثر وقتي اقضي مع والدتي
امي كانت انسانه مؤذيه تغار من تشوف وحده زوجهه مدللهه او مرتاحه بحياتهه أقاربنا ميحبونه ولا يردونه من كثر مشاكلنه كانو مقاطعينه مع ذلك امي كانت تستخدم السحر وعدهه صديقتهه ام جبار هي الي تعمل لها اعمال السحر
اخواني يشتغلون تزوجو وصار البيت هوسه نايمين حتي بالممرات من نريد ندخل الحمام لازم نلزم سرى حياتنا كانت مزدحمة كنّا 4 بنات امي اشتغلت سحوره حتى تزوج خواتي
اني كنت أقبح وحده عندي اختي الكبيرة احلام حلوه وتزوجت بسرعه والي بعدهه هيام هم شكلهه متوسط وهم تزوجت والثالثة نوعا ما وهم تزوجت صحيح امي تشتغل سحوره حتى تزوجهن لكن مثل ميكولون مايدوم لا ولد الي بالنذور ولا رجل الي بالسحور شكد حاولت امي تسيطر على أزواج خواتي لكن مو كل الرجال ممكن بتسيطر عليهم
اخواني 4منهم طلعو الى اشترى بيت تجاوز والى استأجر والى أهل زوجته كعدو عدهم بقينا 3 اخوان وياي بالبيت عندي اخوي الكبير هو من بعد امي مسيطر اسمه علاء عنده 3 أطفال وهو الي يصرف والكلمه كلمته محد يكدر يناقشه الا امي بعد ما تخرجت من الكليه بقيت انتظر تعيين مده سنتين والحمد لله طلبو مدرسات وقدمت وطلع اسمي
يووووم طلع اسمي بالتعيين تعينت مدرسه اخيراً حا اقبض راتب وانتظر راس الشهر حتى استلم
مبروك بنتي هاى بركات ام جبار خلي اوديلهه دجاجه
يمه الدجاجه احنا أولى بيهه يا ام جبار تبقين بهالتفكير
يمه هسه اخليهه تسويلج عمل حتى تتزوجين خو ماتبقين مكابلتني
اى هو جاي العريس واني كلت لا
لاتخافين اني موصيتهه
يمه مو زوجتي خواتي وهاي رجعن على كلبج لا فادتج ام جبار ولا غيرها
انت معليج هذا شغلي خلي اروح للسوق
خواتي 3 مطلكات وعدنه بالبيت هُن وجهالهم 2من امي رباب ووحده من كاظميه زوجه أبوي
والبيت صاير روضه
حضرت اوراقي وراجعت التربيه شفت البنات الي جايات كاشخات ومرتبات وحلوات وبالمقابله يبتسمون بوجهم الا اني من دخلت اعرف نظرتهم افهم لأني قبيحه بس عندي شهاده وتعينت وحاخذ راتب
تم تعيني بالبدايه قرى وارياف ميخالف اروح وين مايكون بس اشتغل بصراحه اني كنت اسرق …اي بعض الأحيان أكون محتاجه مصرف وامي ماعدهه اروح لغرفه اخوتي او خواتي وأخذ منهم فلوس من اروح للسوق امي تشجعني من كنت صغيره هي تشغل ابو المحل بالأسئلة واني اسرق ومن نرجع امي تشجعني دكولي عفيه عليج لو ماخذه بعد كنت احس اني انجزت عمل جيد بالكليه بس تسنح لي فرصه اسرق من زميلاتي ماكنت أتردد لحظه اكول اني محتاجه هما عدهم اب يصرف عليهم
فد يوم صديقتي لكيت بشنطتهه محبس ذهب تريد تبيعه محتاجه سرقته منهه وبعته بقت تبجي انقهرت عليهه
بس بعد ما اكدر أتراجع كلبي صار قاسي تربيت في بيت كله