بِسْم الله الرحمن الرحيم
الحاج عبد الله من منطقهالشعب في بغداد متزوج ولديه 13 ابناء 8اولاد و5 بنات زوجته تعبت وتمرضت بولادتها الاخيره
الزوجه كاظميه. حجي اني صحتي تعبانه وحاسه هذه أيامي الاخيره بالدنيا
لاتدوخينه بهالحجي روحي سويلنه ريوك
حجي اذا متت وصيتك جهالي اعرف راح تتزوج بس لاتظلم جهالي
او الْيَوْمَ من الصبح سيرة الموت راح اطلع واخلص من النكره
طلع الحجي عبد الله وبقت كاظميه كلبهه مقبوض دخلت على اولادهه بوستهم ودخلت على بناتهه هم بوستهم وحست بالولادة اجاها طلوك قوى دزت ابنهه على القابله ام محمد وحضرت حاجيات الولاده والغرفه الى كل مره تولد بيهه
جتى ام محمد صباح الخير وينج تعالي افحصج
لما فحصتها شافت وظعها تعبانه نفسها ضيق ضغطها مرتفع خافت
عيني كاظميه لازم ترحين للمشفى وظعج مايشجع بسرعه وينهم ولدج خلى يجيبون تكسي
كعدت ولدهه جابو التكسي ودوهه لمستشفى العلويه للولاده علما فحصوهه ودخلوهه الا هى بعد توقف تنفسها
دخلوهه صاله الولاده توفت بس الطفل كدرو ينقذونه كان ولد رقم 13
توفت كاظميه وتركت زوجها عبد الله و13من الأبناء من بعد تعب ومعاناة
بقى الحجي عبد الله حزين ويلوم بنفسه ليش ماوديتهه للطبيب مو كلتلي تعبانه مو هي كل مره تولد بسرعه بدون مانشعر بيهه هذولي منو الهم اني صاحب شغل والبيت يحتاج امرأة بعد مرور 40 يوم بدا الحجي يفكر بالزواج لكن منو تقبل برجال وعنده 13 طفل الا وحده مأيسه
بدأ يخطب ويسال حصل وحده قبلت بي عمرهه 28 سنه وهذه تعتبر فايتهه القطار ماصدكت اسمهه رباب
رباب انسانه طماعه تؤمن بالسحوره والشعوذة سليطه اللسان عديمة الأخلاق هذه الأمور ميعرف بيهه الحجي لان من سال عليهه مدحوهه
تزوج الحجي رباب ودخلت الحرباء بيت الزوجيه
امام الحجي كانت الام الحنون لأطفاله ولكن عندما يخرج تستخدم اُسلوب الحيلهوالمكر والي اكثر واحد كان يعاني من تصرفات رباب الابن الصغير
وعد هذا الاسم اختارته أمه حتى الحجي يوفي بالوعد من يشوفه وميظلم أبناءة لكن الحجي اشتغلته رباب بالسحوره وخلته يتخلى عن ابناءه وبدت رباب تنجب الأطفال لحد ما ولدت 7بنات و4ولد
كانت زهور اخر العنقود ولدت سنه 1981 بعد ولادتهه بكم شهرتوفى الحاج عبد الله
زهور ولدت يتيمه الأب اخوانهه وأخواتهه كلهم اكبر منهه بدت تكبر زهور وتشوف شكلهه قبيحه سمره طويله ظعيفه ومحد يباوع عليهه اهتمت بدراستهه حتى تضمن مستقبلهه اذا ما اجاها نصيب
كملت إعدادية ودخلت كليه تربيه بقت فتره بالبيت لاتعيين ولا احد يتقدم لخطوبتها
للحكايه بقيه.
الكاتبه فردوس عبد اللطيف
المزيد
قصه شاب تزوج من ابنه خالته كامله
خرفان بانورج
من قصص تولستوي شديدة القصر